هاديه عبد الفتاح تكتب: شادى ابو زيد ونخنوخ

السبت , 19 مايو 2018 , 12:08 م آراء ورؤى


هاديه عبد الفتاح


اتصدمت لما فتحت فيس بوك و شفت صورتين؛
الصورة الاولى؛ شادى ابو زيد «المدون» و امامه لوحات وصور  و مكتوب خبر المضبوطات التي كانت بحوزة شادي أبوزيد المدون البذئ
الصورة الثانيه:صبرى نخنوخ و هو شايل رشاش و مكتوب العفو الرئاسي يشمل اكبر تاجر مخدرات وسلاح كان محكوم عليه 28سنه 
هو ازاى شادى ابو زيد فى السجن و نحنوخ حر طليق واخد عفو رئاسي 
هو مين اخطر على امن البلاد ! 

نخنوخ المجرم ولا شادى ابو زيد المدون !

شادى  كان مراسل لبرنامج كوميدى «ابله فاهيتا» و بعدها بيعمل فيديوهات كوميديه على السوشيال ميديا

بس قوم ايه بقي فى يوم  ذكرى ثورة 25يناير 

 خدته الجرأه عمل  فيديو مع الممثل احمد مالك ونزل وزعوا بلالين «كاندم منفوخ» على العساكر 

اعتقد انهم كانوا فاكرين انها لساها ثورة يناير بحريتها 

مكنوش مدركين ان الحال اتغير و ان كل اللى حصل بعد ثورة يناير من برامج كوميديه وفيديوهات ونقد ساخر لسلطه ،بقي مستحيل يتكرر ، دى كانت ايام وراحت لحالها  

لان  السلطه اللى موجوده دلوقت ،هى سلطه ريا و سكينه،سلطه ماسكه الفوطه البيضا ومبرقه عينيها  و بتقفل بيها بوق كل اللى يتكلم ولو حاول يعافر و يصرخ هتكتم نفسه 

شادى و مالك مكنوش عارفين كل ده، بس بعد ما نشروا الفيديو ، اتقبض عليهم والفيديو الكوميدى  اعتبرته السلطه  انه تعدى على هيبتها 

معرفش الحقيقه دوله ايه اللى بيتهز هيبتها من فيديوهات وكوميديا ، رغم ان اهم الدول فى العالم بيتعمل فيديوهات و كوميكس و برامج لنقد الساخر مش بس لحكومه ده كمان  لرئيس الدوله نفسه 

يعنى فى امريكا مثلا فى برنامج Saturday Night Live ده بيتعرض  شبكة NBC الأمريكية، البرنامج ده مش بس بينقد ترامب وبيسخر منه ده بيعملوا حلقات مخصوص لتريقه على ترامب اللى هو رئيس دوله 

اه بس انا نسيت ان دى دول ديموقراطيه لكن احنا لا 

احنا بقينا وسط جنااااااااان رسمى 

لما تلاقي المضبوطات اللى بيصوروا شادى معاها ومكتوب عنها فى الجرايد والمواقع، انها  لوحات ورسومات وواقي ذكري وزجاجتي ويسكي.

هنا تسأل نفسك هو انت لو فى بيتك  اللى هو مساحتك الشخصيه وعندك ازازتين خمور دة تتسجن بسببها ليه !

طب لوعلى مبدأ ان الخمور حرام ، يبقي ازاى الدوله المتدينه دى تسمح بوجود محلات خمور و تسمح باستيراد الخمور 

 طب لو عندك واقى ذكرى ده يبقي حرز و تتسجن بسببه ليه!

لو كانت الخمور و الواقى الذكرى حاجات الدوله بتعتبرها حرز ويتعمل عليها قضيه ، يبقي ليه الدوله سامحه لوجود محلات خمور ،! ليه سامحه ان الواقى الذكرى يتباع فى الصيدليات ويتم تداوله كده!

ماهو يأما الخمور والواقى الذكرى دول غلط و بتاخدوا حرز ،فيبقي لازم الدوله تمنع استيرادهم وبيعهم 

يأما ده شئ طبيعى و عادى فانك تستخدمهم جوا بيتك اللى هو مساحتك الشخصيه ،اخدلى بالك انها مساحتك الشخصيه،طب خد بالك تانى والله مساحتك الشخصيه  

انا بس نفسي افهم هى فى ناس ممكن تصدق ان شخص يتقبض عليه عشان شويه لوح معلقهم ف بيته ،

خلاص بقي لو اى لوح فى بيتك ممكن يتاخدوا حرز ضدك يبقي مفروض الدوله تعملنا وزارة تبقي مختصه انها تيجى تفرشلنا بيوتنا و تشوف مسموح نعلق ايه على الحيطان 

او يخدوها من قاصرها و يمنعوا اللوح و الصور و اى حد يعلق حاجه على حيطه فى بيته ، لازم يتقبض عليه و يتسجن و يعلقوه كمان من لاغاليغه فى ميدان عام


مقالات واخبــار ذات صلة


ارسل تعليقا على الخبر

*

*



الاكثر مشاهدة لهذا القسم